បងប្អូនជនរួមជាតិជាទីគោរព!

នៅថ្ងៃនេះ ខ្ញុំព្រះករុណា ខ្ញុំ សូមជម្រាបជូនបងប្អូនជនរួមជាតិនូវលទ្ធផលការងាររបស់ក្រុមការងារតាមដានអំពីការដោះស្រាយចំពោះមតិយោបល់ ឬសំណូមពររបស់បងប្អូនប្រជាពលរដ្ឋនៅក្នុងទំព័រហ្វេសប៊ុករបស់ខ្ញុំព្រះករុណា ខ្ញុំ ក្នុងត្រីមាសទី១ ឆ្នាំ២០២១។

លទ្ធផលដូចបានបញ្ជាក់ក្នុងរបាយការណ៍ខាងក្រោម បានបង្ហាញ​ពីការខិតខំប្រឹងប្រែងនិងកិច្ចសហការប្រកបដោយការទទួលខុសត្រូវខ្ពស់របស់ថ្នាក់ដឹកនាំ និងមន្ត្រីនៃអង្គភាពចំណុះក្រសួងមហាផ្ទៃ ព្រមទាំងស្ថាប័នពាក់ព័ន្ធទាំងថ្នាក់ជាតិ និងថ្នាក់ក្រោមជាតិ ក្នុងការដោះស្រាយ និង ឆ្លើយតបចំពោះមតិយោបល់ កង្វល់ និងសំណូមពរនានារបស់មហាជន ជាមួយក្រុមការងារទំព័រហ្វេស​ប៊ុករបស់ខ្ញុំព្រះករុណា ខ្ញុំ។

ជាថ្មីម្តងទៀតខ្ញុំព្រះករុណា ខ្ញុំក៏សូមថ្លែងអំណរគុណព្រមទាំងសូម​លើកទឹកចិត្ត ចំពោះបងប្អូនជនរួមជាតិទាំងអស់ដែលបានលើកជាមតិយោបល់ និងសំណូមពរ តាមរយៈទំព័រហ្វេសប៊ុក របស់ខ្ញុំព្រះករុណា ខ្ញុំ ដើម្បីយើងរួមគ្នាដោះស្រាយបញ្ហា និងរួមគ្នាអភិវឌ្ឍន៍សង្គមជាតិយើងបន្តទៀត៕

សូមអរព្រះគុណ និងអរគុណ!