ក្នុងនាមតំណាងដ៏ខ្ពង់ខ្ពស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី២៦ ខែ ធ្នូ ឆ្នាំ២០២០នេះ ឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ និងជាប្រធានក្រុមការងារគណបក្សប្រជាជនកម្ពុជាចុះជួយឃុំព្រៃព្នៅ បានចុះសំណេះសំណាលសួរសុខទុក្ខប្រជាពលរដ្ឋមានបញ្ហាជីវភាព ក្នុងឃុំព្រៃព្នៅ ស្រុកពារាំង ខេត្តព្រៃវែង។​

នៅក្នុងឱកាសជួបសំណេះសំណាលសួរសុខទុក្ខបងប្អូនប្រជាពលរដ្ឋនាពេលនោះ ឯកឧត្តមសន្តិបណ្ឌិត ចាន់ អ៊ាន បានផ្ដល់អំណោយសម្ដេចក្រឡាហោម ស ខេង ជូនគ្រួសារប្រជាពលរដ្ឋមានបញ្ហាជីវភាពចំនួន៨៨គ្រួសារ ដោយក្នុងមួយគ្រួសារទទួលបានអង្ករ២៥គីឡូ មី១កេស និងថវិកា៤០០០០រៀល៕