នៅព្រឹកថ្ងៃអង្គារ ១១កើត ខែកក្ដិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៧ ខែតុលា ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំស្ដាប់របាយការណ៍ ស្ដីអំពីលទ្ធផល នៃការបង្ក្រាបគ្រឿងញៀនរយៈពេល៩ខែ នៅទីស្ដីការក្រសួងមហាផ្ទៃ។

អញ្ជើញចូលរួមកិច្ចប្រជុំក្រោមអធិបតីភាពសម្ដេចក្រឡាហោម ឧបនាយករដ្ឋមន្ត្រី រួមមាន ឯកឧត្តមរដ្ឋលេខាធិការប្រចាំការ រដ្ឋលេខាធិកា អនុរដ្ឋលេខាធិការ អគ្គនាយក អគ្គស្នងការនៃអគ្គស្នងការដ្ឋាននគរបាលជាតិ អគ្គស្នងការរងទទួលផែនគ្រឿងញៀន ប្រធានមន្ទីរប្រឆាំងគ្រឿងញៀន ព្រមទាំងមន្ត្រីពាក់ព័ន្ធមួយចំនួនទៀត ៕