សូមចូលរួមអបអរសាទរការដណ្ដើមបានមេដាយមាសទី៤របស់កម្ពុជា ដោយកីឡាការិនី ខាន់ ចេសា ដែលឈ្នះក្នុងប្រភេទកីឡាជឺជិតស៊ូ លើកីឡាការិនីម្ចាស់ផ្ទះហ្វីលីពីន ក្នុងព្រឹត្តិការណ៍កីឡាស៊ីហ្គេម លើកទី៣០ នៅប្រទេសហ្វីលីពីន។

គិតត្រឹមម៉ោង៥ល្ងាចថ្ងៃទី៩ ខែធ្នូនេះ កម្ពុជាយើងឈ្នះបានមេដាយសរុបកើនឡើងដល់ទៅ៣៤គ្រឿងហើយ ក្នុងនោះឈ្នះបានមេដាយមាស៤គ្រឿង មេដាយប្រាក់៦គ្រឿង និងមេដាយសំរឹទ្ធ២៤គ្រឿង។

កម្ពុជាយើងនៅមានប្រភេទកីឡាជាច្រើនទៀតដែលត្រូវប្រកួតដណ្ដើមមេដាយ។ ដូច្នេះសូមកីឡាករកីឡាការនីទាំងអស់ខិតខំថែរក្សាសុខភាព និងពង្រឹងស្មារតី ដើម្បីដណ្ដើមយកមេដាយបន្តទៀតជូនជាតិ៕