សូមអបអរសាទរ ការឈ្នះបានមេដាយជាបន្តបន្ទាប់របស់កីឡាករ កីឡាការនី កម្ពុជាយើង នៅក្នុងព្រឹត្តិការណ៍ប្រកួតកីឡាស៊ីហ្គេមលើកទី៣០ នៅប្រទេសហ្វីលីពីន។
ពិតជារំភើបរីករាយណាស់ ព្រោះគ្រាន់តែនៅថ្ងៃទី៨ខែធ្នូនេះកម្ពុជាយើងឈ្នះបានមេដាយដល់ទៅ៨គ្រឿងបន្ថែមទៀត រួមមានមេដាយមាស១គ្រឿង មេដាយប្រាក់២គ្រឿង និងមេដាយសំរឹទ្ធ៥គ្រឿង។
គិតមកដល់ពេលនេះ កម្ពុជាយើងឈ្នះបានមេដាយសរុបកើនឡើងដល់ទៅ៣៥គ្រឿងហើយ ក្នុងនោះឈ្នះបានមេដាយមាស៣គ្រឿង មេដាយប្រាក់៦គ្រឿង និងមេដាយសំរឹទ្ធ២៦គ្រឿង។
ម្ចាស់មេដាយមាសSea Game ឆ្នាំ២០១៩ ទាំង៣វិញ្ញាសារបស់កម្ពុជា គឺ៖
១. កីឡាករ យ៉ង់ ម៉េងលី វិញ្ញាសា Arnis
២. កីឡា ការិនី ស្រ៊ាង សុរ៉ាឃីម - ឌួង ឌីណា - ឃួន យ៉ារី វិញ្ញាសាប៉េតង់ វាយ៣នាក់
៣. កីឡាការិនី ស៊ន សៀវម៉ី វិញ្ញាសា តៃក្វាន់ដូ
កម្ពុជាយើងនៅមានប្រភេទកីឡាជាច្រើនទៀត ដែលត្រូវប្រកួតដណ្ដើមយកមេដាយបន្ថែមនៅក្នុងព្រឹត្តិការណ៍កីឡាតំបន់មួយនេះ ក្នុងនោះក៏មានកីឡាបាល់ទាត់ដែរ។
ដូច្នេះឆ្លៀតក្នុងឱកាសនេះ ខ្ញុំសូមលើកទឹកចិត្តក្រុមកីឡាករកីឡាការនីយើងទាំងអស់ ខិតខំថែរក្សាសុខភាព ពង្រឹងស្មារតីដើម្បីដណ្ដើមយកជ័យជូនប្រទេសជាតិយើងបន្ថែមទៀត៕