នៅថ្ងៃទី២៩ ខែកញ្ញា ឆ្មាំ២០១៩​ សម្ដេចក្រឡាហោម ស ខេង ឧបនាយករដ្ឋមន្ត្រី បានបន្តដឹកនាំគណៈប្រតិភូជួបពិភាក្សាជាមួយលោកស្រី Stephanie Ebwein អភិបាលក្រុង Mutlangen និងសមាជិកក្រុមប្រឹក្សា ដោយបានពិភាក្សាគ្នាអំពី រដ្ឋបាល និងការទទួលខុសត្រូវនៅតាមក្រុងតូចៗនៅអាល្លឺម៉ង់ និងតួនាទីអភិបាលក្រុងនៅក្នុងដំណើរការចូលរួមរបស់ប្រជាពលរដ្ឋ។
ក្នុងឱកាសនេះលោកស្រី Stephanie Ebwein អភិបាលក្រុង Mutlangen បានជម្រាបជូនគណប្រតិភូកម្ពុជា អំពីរចនាសម្ព័ន្ធដឹកនាំរដ្ឋបាល ដំណើការគ្រប់គ្រងវិស័យផ្សេងៗទៀតរបស់ក្រុងតូចៗ បញ្ហាចំណូលចំណាយ និងប្រព័ន្ធវិមជ្ឍការ ក៏ដូចចាការចូលរួមរបស់ប្រជាពលរដ្ឋនៅមូលដ្ឋានផ្ទាល់ផងដែរ ។