ក្នុងឱកាសនៃដំណើរទស្សនកិច្ចផ្លូវការនៅសាធារណរដ្ឋសហព័ន្ធអាល្លឺម៉ង់ នៅល្ងាចថ្ងៃទី២៥ ខែកញ្ញា ឆ្នាំ២០១៩ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងឯកឧត្តមរដ្ឋមន្ត្រីអន្តរក្រសួង និងគណៈប្រតិភូកម្ពុជា បានបន្តជួបពិភាក្សាការងារជាមួយថ្នាក់ដឹកនាំគណៈកម្មការសភា រួមទាំងក្រុមតំណាងរាស្ត្រមួយចំនួននៃសភាសហព័ន្ធអាល្លឺម៉ង់ ដោយនៅក្នុងជំនួបនោះ ភាគីទាំងពីរ បានពិភាក្សា​
ស្វែងយល់ និងផ្លាស់ប្ដូរយោបល់គ្នាអំពីប្រធានបទសិទ្ធិមនុស្ស ដំណើរការប្រជាធិបតេយ្យ និងវិស័យព្រៃឈើ ។ ក្រោយពីបញ្ចប់កិច្ចពិភាក្សានោះ គណៈប្រតិភូបានបន្តទស្សនកិច្ច អតីតអគារសភាសហព័ន្ធអាល្លឺម៉ង់ ដែលបច្ចុប្បន្នបានក្លាយជាសារមន្ទីជាតិ ៕