សម្ដេច ក្រឡាហោម ស ខេង ថ្លែងអំណរគុណដល់សប្បុរសជន ដែលបានចូលរួមឧបត្ថម្ភក្នុងទិវាកាកបាទក្រហមកម្ពុជា សាខាខេត្តបាត់ដំបង
ខ្ញុំ សូមជម្រាបជូនដល់ បងប្អូនជនរួមជាតិ ឯកឧត្តម លោកជំទាវ ឯកឧត្តមឧកញ៉ា លោកជំទាវឧកញ៉ា អ្នកឧកញ៉ា លោកឧកញ៉ា លោកស្រីឧកញ៉ា លោក លោកស្រី អ្នកនាងកញ្ញា មេត្តាជ្រាបថា ពិធីប្រារព្ធខួបលើកទី ១៥៦ ទិវាពិភពលោក កាកបាទក្រហម អឌ្ឍចន្ទក្រហម ០៨ ឧសភា ២០១៩ ក្រោមប្រធានបទ «ខ្ញុំស្រលាញ់កាកបាទក្រហមកម្ពុជា » ដែល ប្រព្រឹត្តទៅនាព្រឹកថ្ងៃទី២០ ខែកក្កដា ឆ្នាំ២០១៩ នៅសាលមហោស្រពស្ទឹងសង្កែ ទីរួមខេត្តបាត់ដំបង កន្លងទៅនេះ គឺបានទទួល ថវិកាសរុបប្រមាណ ២.០៦០.០០០ដុល្លារ (ពីរលានប្រាំមួយម៉ឺនដុល្លារសហរដ្ឋអាមេរិក) ។
តាងនាមក្រុមការងារថ្នាក់ជាតិចុះមូលដ្ឋាន និងជំនួសមុខឲ្យ កាកបាទក្រហមកម្ពុជា សាខាខេត្តបាត់ដំបង ខ្ញុំមានកិត្តិយសសូមថ្លែងអំណរគុណយ៉ាងជ្រាលជ្រៅដល់ បងប្អូនជនរួមជាតិ ឯកឧត្តម លោកជំទាវ ឯកឧត្តមឧកញ៉ា លោកជំទាវឧកញ៉ា អ្នកឧកញ៉ា លោកឧកញ៉ា លោកស្រីឧកញ៉ា លោក លោកស្រី អ្នកនាងកញ្ញា ជាសប្បុរសជន ដែលបានបរិច្ចាគ ជួយឧបត្ថម្ភជា ថវិកា ឬសម្ភារៈផ្សងៗ តាមវប្បធម៌ចែករំលែក ទ្រទ្រង់សាខាកាកបាទក្រហមកម្ពុជាខេត្តបាត់ដំបងនាពេលនេះ ។
ទឹកចិត្ត ប្រកបដោយសទ្ធាជ្រះថ្លា របស់ បងប្អូនជនរួមជាតិ ឯកឧត្តម លោកជំទាវ ឯកឧត្តមឧកញ៉ា លោកជំទាវឧកញ៉ា អ្នកឧកញ៉ា លោកឧកញ៉ា លោកស្រីឧកញ៉ា លោក លោកស្រី អ្នកនាងកញ្ញាទាំងអស់ ដែលបាមនរួមចំណែកជាថវិកាដ៏សន្ធឹកសន្ធាប់នេះ ពិតជាបានជួយដល់ប្រជាពលរដ្ឋដែលជួបប្រទះ គ្រោះមហន្តរាយនានា ដែលកើតឡើងជាយថាហេតុ និង ជួយដល់ជនក្រីក្រ ស្រីមេម៉ាយគ្មានទីពឹង កូនកំព្រា ជនពិការ ជនផ្ទុកមេរោគអេដស៍ ។ល។
ជាថ្មីម្តងទៀត ខ្ញុំសូមថ្លែងអំណរគុណយ៉ាងជ្រាលជ្រៅដល់ បងប្អូនជនរួមជាតិ ឯកឧត្តម លោកជំទាវ ឯកឧត្តមឧកញ៉ា លោកជំទាវឧកញ៉ា អ្នកឧកញ៉ា លោកឧកញ៉ា លោកស្រីឧកញ៉ា លោក លោកស្រី អ្នកនាងកញ្ញាទាំងអស់ និង សូមជូនពរ ជួបប្រទះពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លាងឃ្លាតឡើយ ៕
![](/public/ckfinder/userfiles/files/200719/1.jpg)
![](/public/ckfinder/userfiles/files/200719/32.jpg)
![](/public/ckfinder/userfiles/files/200719/5.jpg)
![](/public/ckfinder/userfiles/files/200719/4.jpg)
![](/public/ckfinder/userfiles/files/200719/28.jpg)
![](/public/ckfinder/userfiles/files/200719/26.jpg)
![](/public/ckfinder/userfiles/files/200719/27.jpg)
![](/public/ckfinder/userfiles/files/200719/30.jpg)
![](/public/ckfinder/userfiles/files/200719/31.jpg)