លោកជំទាវ ញ៉ែម សាខន សខេង ប្រគេនទានព្រះវស្សាព្រះសង្ឃ៦៩វត្តនៅបាត់ដំបង
កាលពីព្រឹកថ្ងៃសៅរ៍ ១២កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៣ ខែកក្កដា ឆ្នាំ២០១៩នេះ លោកជំទាវ ញ៉ែម សាខន ស ខេង បានប្រារព្ធពិធីបុណ្យប្រគេនទៀនព្រះវស្សា ទេយ្យទាន និងបច្ច័យប្រគេណព្រះសង្ឃ និមន្តមកពីវត្តអារាមចំនួន៦៩ នៅគេហដ្ឋានខេត្តបាត់ដំបង ដើម្បីឧទ្ទិសមហាកុសលផលបុណ្យជូនបុព្វការីជន និងញាតិការទាំង៧សន្តាន។
កិច្ចប្រកបដោយមហាកុសលផលបុណ្យនេះ មានការអញ្ជើញចូលរួមពីថ្នាក់ដឹកនាំក្រុមប្រឹក្សា គណៈអភិបាលមន្ត្រីរាជការក្នុងខេត្ត សមាជិកព្រឹទ្ធសភា រដ្ឋសភា និងមន្ត្រីរដ្ឋបាល និងអង្គភាពចំណុះខេត្តបាត់ដំបង ព្រមទាំងតាជី យាយជី និងពុទ្ធបរិស័ទជាច្រើននាក់។
ទេយ្យទានដែលបានប្រគេនព្រះសង្ឃនាឱកាសនោះ គឺវត្តនីមួយៗទទួលបានទៀនព្រះវស្សា១គូរ ស្លាដក់១ ចង្ហាន់ ១ស្រាក់ ផ្លែឈើ១កន្ត្រក់ អង្ករ៥០គីឡូក្រាម ទឹកក្រូច ២កេះ ទឹកផ្លែឈើ២កេះ ទឹកបរិស័ទ្ធ២កេះស្ករស ២៣គីឡូក្រាម ទឹកដោះគោខាប់២៤កំប៉ុង ត្រីខ១កេះធំ ទឹកត្រីទឹកស៊ីវអ៊ីវ២យួរ មី២កេះ និងបច្ច័យ៦០ម៉ឺនរៀល៕
![](/public/ckfinder/userfiles/files/140719/1.jpg)
![](/public/ckfinder/userfiles/files/140719/2.jpg)
![](/public/ckfinder/userfiles/files/140719/3.jpg)
![](/public/ckfinder/userfiles/files/140719/4.jpg)
![](/public/ckfinder/userfiles/files/140719/5.jpg)
![](/public/ckfinder/userfiles/files/140719/6.jpg)
![](/public/ckfinder/userfiles/files/140719/7.jpg)
![](/public/ckfinder/userfiles/files/140719/8.jpg)
![](/public/ckfinder/userfiles/files/140719/9.jpg)