ព្រះករុណាជាអម្ចាស់ជីវិតលើត្បូង សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យ ប្រោសព្រះរាជទាន សេចក្តីថ្លែងអំណរគុណ ដ៏ជ្រាលជ្រៅបំផុត និង ព្រះរាជទានពរបវរមហាប្រសើរ ជូនចំពោះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងថ្នាក់ដឹកនាំអគ្គស្នងការដ្ឋាននគរបាលជាតិ និងសហការីទាំងអស់នៃក្រសួងមហាផ្ទៃ ដែលបានរៀបចំរក្សាសុវត្ថិភាព សន្តិសុខ សណ្តាប់ធ្នាប់បានល្អប្រសើរថ្វាយព្រះរាជដំណើរ ស្តេចយាងប្រារព្ធពិធីរុក្ខទិវា នៅភូមិស្រែត្រែង ឃុំក្បាលដំរី ស្រុកសំបូរ ខេត្តក្រចេះ ថ្ងៃទី៩ ខែកក្កដា ឆ្នាំ២០១៩កន្លងទៅនេះ ៕