នាព្រឹកថ្ងៃសុក្រ ៩កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២ ខែធ្នូ ឆ្នាំ២០២២នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាគណៈអធិបតី នៃពិធីបើកវេទិកាអភិបាលក្រុងអាស៊ាន ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅសណ្ឋាគារសុខាភ្នំពេញ។

រាជធានីភ្នំពេញបានធ្វើជា ម្ចាស់ផ្ទះ នៃកិច្ចប្រជុំ អភិបាល រាជធានី និង រដ្ឋធានី អាស៊ាន (MGMAC 2022) និងវេទិកា អភិបាលក្រុង អាស៊ាន ឆ្នាំ២០២២ (ASEAN Mayors Forum 2022) ក្នុងរយៈពេល ២ថ្ងៃ នោះ គឺថ្ងៃសុក្រ និងសៅរ៍ ថ្ងៃទី២ និង៣ ខែធ្នូ ឆ្នាំ២០២២។ កិច្ចប្រជុំ និងវេទិកានេះ គឺមាន ការចូលរួមពីតំណាង ទីក្រុង និង ខេត្ត ចូលរួម ប្រមាណ៨០ ទីក្រុង ក្នុង តំបន់អាស៊ាន និង ក្រៅអាស៊ាន មាន ជាង ៣០ទីក្រុង ធំៗ ចូលរួមផងដែរ ៕