ប្រសាសន៍សម្តេច
"...ទិសស្លោកប្រយុទ្ធប្រឆាំងគ្រឿងញៀន បីកុំ មួយរាយកាណ៍ ៖ - កុំពាក់ព័ន្ធ ៖ កុំជួញដូរ កុំចែកចាយ កុំធ្វើខ្នងបង្អែក កុំឃុបឃិត និងកុំប្រើប្រាស់គ្រឿងញៀន ។ - កុំអន្តរាគមន៍ ៖ កុំរារាំងការរអនុវត្តច្បាប់ចំពោះឧក្រិដ្ឌជនគ្រឿងញៀន ទោះបីជាក្រុមគ្រួសារ សាច់ញាតិ ឫ មិត្តភក្កិក៏ដោយ ។ - កុំលើកលែង ៖ កុំបន្ធូរបន្ថយការអនុត្តច្បាប់ចំពោះឧក្រិដ្ឌជនគ្រឿងញៀន។ សមត្ថកិច្ចពាកព័ន្ធទាំងអស់ត្រូវអនុវត្តច្បាប់ដោយមុឺងម៉ាត់ និងស្មោះត្រង់វិជ្ជាជីវ:របស់ខ្លួន ហើយជនគ្រប់រូបត្រូវគោរព និងអនុវត្តច្បាប់ ។ មួយរាយការណ៍៖ត្រូវរាយការណ៍ ផ្តលព័ត៌មាន ដល់សមត្ថកិច្ចអំពីមុខសញ្ញាជួញដូរ ចែកចាយ ប្រើប្រាស់ ទីតាំងកែច្នៃផលិតនិងទីតាំងស្តុកទុកគ្រឿងញៀនខុសច្បាប់ដល់សមត្ថកិច្ច ៕..."

សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ អនុញ្ញាតជូនថ្នាក់ដឹកនាំសហភាពសហជីពជាតិខ្មែរ ចូលជួបសម្ដែងការគួរសម

នារសៀលថ្ងៃអង្គារ ៨រោច ខែអស្សុជ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៨ ខែតុលា ឆ្នាំ២០២២នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអនុញ្ញាតជូនថ្នាក់ដឹកនាំសហភាពសហជីពជាតិខ្មែរ ចូលជួបសម្ដែងការគួរសម នៅទីស្ដីការក្រសួងមហាផ្ទៃ។

លោក សុខ រ៉ាវុធ ប្រធានសហភាពសហជីពជាតិខ្មែរ បានរាយការណ៍ជូនសម្ដេចអំពីសកម្មភាពថ្នាក់ដឹកនាំ និងក្រុមការងារសហជីពដែលបានរួមចំណែកលើកស្ទួយសុខដុមរមនារវាងនយោជក និងក្រុមកម្មករ និងរួមចំណែកទប់ស្កាត់បញ្ហានាំឱ្យប៉ះពាល់ដល់ទីផ្សារផលិតផល និងផលប្រយោជន៍កម្មករ។

សម្ដេចក្រឡាហោម ស ខេង បានថ្លែងអំណរគុណការចូលរួមចំណែកជាវិជ្ជមានរបស់សហភាពសហជីពជាតិខ្មែរ ដើម្បីជំរុញការបង្កើតបរិយាកាសយោគយល់គ្នាទៅវិញទៅមករវាងថៅកែរោងចក្រ និងកម្មករ កម្មការរិនី។ សម្ដេចសង្ឃឹមថាសហភាពសហជីពជាតិខ្មែរ នឹងបន្តពង្រឹងពង្រីកការងារនេះបន្ថែមទៀត៕ 

អត្ថបទដែលជាប់ទាក់ទង